SPUIT KOM ALTYD TE LAAT
EEN aand in September 2012 spuit Salmon van Huyssteen se ma hom met ’n middel genaamd Deca 300 in. Die volgende oggend spuit sy haar 16-jarige seun met nog ’n milliliter daarvan in.
Die houer met die middel, in kleefband toegedraai, het hulle gaan haal by die plaaslike slaghuis waar lamstjops en boerewors ook te koop is. Salmon se ouers het die voorraad by ’n familielid, ’n liggaamsbouer, gekry. Op sy beurt het hy die produk by ’n apteker gekry met die voorspelbare versekerings dat dit veilig is.
Hulle het geen internetverbinding by die huis nie; daarom het hulle nie vooraf aanlyn ondersoek daarna ingestel nie. Maar ná die tweede inspuiting begin Salmon se pa bedenkinge kry.
Die gesin ry dorp toe om die internet te gebruik. Toe ontdek hulle die aaklige, kommerwekkende waarheid: Hul seun het waarskynlik nandroloon, ’n steroïed, in sy gestel. Maar die familielid verseker hulle binne ses maande sal die middel onbespeurbaar wees.
Die rugbyster van die Afrikaanse Hoër Seunskool in Pretoria laat hom nie daardeur keer om dwarsdeur die seisoen te speel nie.
Toe in 2013 word hy gekies om die Blue Bulls by die Cravenweek te verteenwoordig. Langs die groot nommer agt was die selfs groter RG Snyman, wat ses jaar later in die Wêreldbekereindstryd in Japan sou speel.
Daardie Julie ondergaan Salmon (toe 17) ’n opkikkertoets by die Cravenweek in Middelburg, Mpumalanga. Middel September lig die Suid-Afrikaanse Instituut vir Dwelmvrye Sport (SAIDS) hom in hy het positief vir ’n verbode middel getoets.
Salmon ontken nie dat hy die middel gebruik het nie, maar hou vol daar was “geen
You’re reading a preview, subscribe to read more.
Start your free 30 days