TV-BLOKRAAI-PROGRAM IS HIER!
OP DIE rusbank, by die kombuistafel, in ’n koffiekroeg of op die strand … elke blokraailiefhebber het sy gunstelingplek vir raaisels uitpluis – en gewoonlik is dit iets wat jy in stilte aanpak. Maar dít gaan nou alles verander.
Voeg ’n stophorlosie, drie mededingende blokraaighoeroes per episode, die kameras van ’n pasgemaakte ateljee en ’n beeldskone aanbieder by en jy het ’n adrenalienresep soos min: Suid-Afrika se heel eerste blokraaitelevisieprogram is hier, en dis boonop in Afrikaans.
Van 10 Januarie kan Suid-Afrikaners op Maandagaande op VIA, kanaal 147 op DStv, met die aktrise Cintaine Schutte as die aanbieder.
