MY KYKIE IN VÉLE LEWENS
‘SOMS LOOP DIE STORIES VAN MY KARAKTERS PARALLEL MET MY EIE LEWE: DIE HARTSEER, DIE VREUGDE’
NOEM hom maar ’n verkleurmannetjie, spot die bebaarde rooikop – jy sal immers ver moet soek na ’n rol wat hy nog nié vertolk het nie.
Hy was al polisieman, speurder, joernalis en selfs ’n dokter. En dis net sy televisietitels, spog die akteur Gerald Steyn (32).
Want weg van die televisieskerms – of in die “regte lewe,” soos Gerald daarna verwys – het hy ook al vele titels beklee: intern, prokureur, kopieskrywer, akteur.
“Is dit nie wonderlik nie?” wil Gerald weet. “Ek kry ’n kykie in soveel lewens; ek hoef nooit net een ding te wees nie.”
En, wat loop voor? “Dis obvious,” sê hy met ’n grinnik. “Akteurwees, natuurlik!”
Ja, dis wonderlik
