SMUL AAN VIS & SEEKOS
SEEKOS-EN-SPEKSO
Die seekos en effense gerookte smaak van die spek werk heerlik saam in hierdie lekker eenvoudige sop. Dis heerlik saam met varsgebakte brood.
GENOEG VIR 6 MENSE
BEREIDING: 20 MIN.
GAARMAAK: 20 MIN.
• 45 ml (3 e) olie
• 6 repe rugspek, gekap
• 1 klein ui, fyngekap
• 1 rooi soetrissie, gekap
• 50 ml koekmeel
• 7,5-10 ml (1½-2 t) visspeserye
• 500 ml (2 k) warm melk
• 2 lourierblare
• 750 ml (3 k) vis- of groenteaftreksel
• 2 ryp tamaties, geblansjeer en gekap
• 200 g aartappels, in blokkies gesny (opsioneel)
• sout en peper na smaak
• 700 g gemengde seekos
• ’n paar bevrore gaar mossels in die skulp
• ’n hand vol pietersielie
VIR VOORSIT
• varsgebakte brood
• suurlemoenskyfies
1 Braai die spek in ’n bietjie olie tot gaar. Voeg die ui en soetrissie by en braai tot sag.
2 Voeg die koekmeel en visspeserye by en roer goed. Roer nou die warm melk stadig by, voeg die lourierblare en aftreksel by en bring tot kookpunt terwyl jy af en toe roer.
3 Voeg die tamaties en aartappels by, indien gebruik. Geur met die sout en peper soos nodig en laat kook 15 min. of tot die tamaties en aartappels sag is.
4 Plaas die seekosmengsel in ’n vergiettes en giet kookwater oor.
Voeg die seekos en mossels, asook enige aftreksel uit
