MAMMA MIA! ITALIË SE ‘PASELLA’ HUISE
“DIT het na ’n baie goeie kopie gelyk,” sê Rafael Solorzano terwyl hy teen ’n antieke witgekalkte muur leun.
Die 28-jarige Amerikaner van Miami praat van die huis waarin ons staan – al vier verdiepings daarvan plus ’n kelder – en dat hierdie bewoonbare, geskiedkundige woning op ’n mooi ou Sisiliaanse heuweldorp teen net €1 (R18) syne is. Dis soveel as wat jy in Italië vir ’n skyf pizza sou betaal.
Dit is al 14 jaar sedert die voormalige parlementslid en kulturele kommentator Vittorio Sgarbi ’n radikale oplossing vir die geleidelike agteruitgang van die Italiaanse platteland voorgestel het. Die afgelope twee dekades het ’n miljoen Italianers hul huise op dorpies agtergelaat om nuwe geleenthede in die stede te gaan soek.
Om hierdie uittog om te keer, het Vittorio voorgestel die land se kwynende nedersettings moet die leë huise spotgoedkoop vir nuwelinge aanbied.
Dit het ’n ruk geneem om burgemeesters en die afwesige eienaars te oorreed, maar 34 afgeleë dorpe en gehuggies landwyd het nou €1-huisprogramme.
Vir party is dit net deel van die wanhopige oplossing vir ’n bestaanskrisis.
As jy beloof om jou in Molise, ’n sukkelende streek in die suidelike Apennyne, te vestig en ’n onderneming daar te open om die plaaslike ekonomie ’n hupstoot te gee, sal jy drie jaar lank ’n maandelikse toelae van €800 (R14 400) ontvang om jou op dreef te help kom. Suid-Afrikaners wat belangstel, moet vir ’n Italiaanse visum vir selfwerksaamheid aansoek doen.
Verder suid bied Calabria inkommers wat beloof hulle sal ’n onderneming daar vestig of hul kinders by die skool inskryf ’n goue verwelkomingsgeskenk van tot €33 000 (R594 000).
Maar meer as die helfte
You’re reading a preview, subscribe to read more.
Start your free 30 days