Nuwe vrou op Vierfontein
DIE hele dorp is in rep en roer. Opwinding gons soos ’n elektriese lading in die lug. By die koöperasie en die slaghuis, die haarsalon en die koffiewinkel, is dit al waaroor gepraat word. Sommige dorpenaars is bly, ’n paar is sielsongelukkig en ’n paar is skepties, maar elke laaste een kan bars van nuuskierigheid.
Gert van die koöperasie het gistermiddag die stertkant van Dawid Muller se selfoongesprek met sy seun, Dirk, gehoor. Dawid het, volgens Gert, baie ingenome geklink en breed geglimlag toe hy die oproep beëindig.
Dieselfde man wat maande al asof in ’n dwaal sy besigheid op die dorp met so min moontlik interaksie afhandel voor hy weer die pad vat na Vierfontein. Daar is dit nou net pa en seun in die groot plaashuis oor; met Bettie wat die huishouding aan die gang hou.
Die swaaideur het skaars agter Dawid toegeklap, toe bel Gert
