Gekrummelde murgpampoentjies met mentjogurt
Goudbruin, bros en ekonomiese vingerkos, gedoop in ’n yskoue jogurtsous. Heerlik!
Genoeg vir 4 as ’n snoephappie
Bereidingstyd 20 minute
Gaarmaaktyd 3-4 minute
JY BENODIG
• 12-16 middelslag-murgpampoentjies, in die lengte in kwarte gesny
• koppie (80 ml) koekmeel (of gebruik witbroodmeel)
• 1 teelepel (5 ml) gerookte paprika
• 2 ekstragroot eiers, liggies geklits
• 4 snye volgraanbrood (soek een wat nie te donker is nie), gepols tot fyn krummels – sien wenk
• canola-olie vir diepbraai
VIR DIE MENTDOOPSOUS
• 1 koppie (250 ml) dubbeldik gewone jogurt
• ’n hand vol mentblare
• 1-2 teelepels (5-10 ml) vars suurlemoensap
SÓ MAAK JY
Spoel die murgpampoentjies deeglik af en skud die oortollige water af – jy het ’n klein bietjie vog nodig sodat die meel kan klou. Kry nou jou werkplek vir die krummellaag reg: Sit die meel en paprika in ’n vlak bord, geur dit met sout en peper, en meng alles goed saam. Giet die eier in nog ’n vlak bord en die broodkrummels in ’n derde. Doop elke murgpampoentjiestokkie in die gegeurde meel, dan in die eier en laastens in die krummels – rol dit deeglik in elke mengsel sodat dit oraloor bedek is – en pak dit op ’n bord.
Gooi canola-olie in ’n middelslagkastrol tot dit 3-4 cm
