Spyskaart
Kies soveel geregte as wat jy wil en sit dit saam voor of in enige volgorde.
Braaibroodjie-platbrood
Biltongpatee
Retro blaarkoppies met brandewyngarnaalkelkie
Pangebraaide fetakaas met heuning en tiemie
Geskroeide broccoli en pak choi met sojasous, sesamsaad en sprietuie
Ontbeende varknek in die ketelbraai met ’n heuningmosterdsous
Karamel-‘kaaskoekies’ met frambose
Braaibroodjieplatbrood
Almal is gaande oor dié jogurtplatbrood met dieselfde bolaag as die vulsel van ’n braaibroodjie. Dit sal ’n ware pronkstuk in die middel van die tafel vorm. Dis die maklikste om die platbrood in die oond te bak, maar jy kan dieselfde resultaat in ’n ketelbraai kry, boonop met ’n lekker rokerige geur.
Maak 1 groot platbrood
Bereidingstyd 10 minute
Baktyd 14-20 minute
JY BENODIG
• 1¾ koppie (250 g) witbroodmeel, plus ekstra om te sprinkel• 1 eetlepel (15 ml) bakpoeier• 1 teelepel (5 ml) sout• 1 koppie (250 g) dik Griekse jogurt
VIR DIE BOLAAG
• 2 eetlepels (30 ml) gesmelte botter• ±⅓ koppie (80 ml) blatjang• 1½-2 koppies (150-200 g) gerasperde beleë cheddarkaas• 1-2 groot tamaties, in dun skywe gesny (of gebruik ’n hand vol klein tamaties)• ½ rooiui (of wit of bruin) ui, in dun ringe gesny• ’n hand vol wilderoketblare vir garnering (opsioneel)
SÓ MAAK JY
Plaas die meel, bakpoeier en sout in ’n mengbak en roer dit goed deur. Voeg die jogurt by en gebruik ’n houtlepel of spatel om dit te meng tot ’n klonterige deeg begin vorm. Hou aan meng met die hand
