DIS IN DIE GENE!
HY TREK nie veel na sy beroemde oupa nie. Hy is skraal gebou en het lang hare. Hy is ook stiller as die bokslegende wie se woorde en sêgoed byna net so bekend is soos sy veerligte voetwerk.
Maar dit keer Nico Walsh nie om in sy oupa Muhammad Ali se swaargewigvoetspore te wil volg nie.
Toe die 21-jarige onlangs sy beroepsdebuut in boks maak, het hy – soos sy oupa destyds gespog het – nes ’n skoenlapper gesweef en nes ’n by gesteek en sy opponent in sy eerste twee gevegte oorwin.
Dit is ’n prestasie waarop hy ongeloof-lik trots is. “Dit was my droom om te boks,” sê Nico.
