EK HET NOG MY DROME
TOE die brose figuur op die oudisieverhoog van America’s Got Talent uitstap, het Simon Cowell sy gewone skeptiese gesig op waarmee hy so baie deelnemers aan die sangkompetisie intimideer.
Maar toe die jong Jane Marczewski (30) op haar kalm, reguit manier aan die gehoor vertel sy het kanker en dit het versprei na haar longe, lewer en ruggraat – en haar kans om te oorleef is slegs 2% – sit Simon en sy medebeoordelaars, Howie Mandel, Sofía Vergara en Heidi Klum, skielik kiertsregop. En toe begin Jane, oftewel Nightbirde soos sy ook bekendstaan, sing …
Met ’n stem so suiwer soos dié van ’n nagtegaal en arms wat beweeg soos vlerke, lyk dit of Nightbirde ver bo haar gefolterde liggaam uitstyg en sweef. Die
