TOTSIENS, LIEWE ELIZE
DIT was een van die moeilikste besluite wat sy nóg moes neem: om te groet. En dít ná ’n volle sewe jaar waarin sy nagenoeg 3 000 briewe met hulpkrete ontvang het; briewe wat meestal begin het met die woorde “Liewe Elize…” Ja, Huisgenoot se geliefde troostante Liewe Elize, oftewel die skrywer Elize Parker (61), het besluit dis tyd om die tuig neer te lê, want sy wil nou haar droom najaag om voltyds boeke te skryf.
Maar om tot siens te sê is nooit maklik nie. Maande lank het sy daaroor getob. Daar was heelwat trane, gebede en slapelose nagte, vertel sy. Tot sy op ’n dag vrede gekry het oor haar besluit.
“ se lesers het ’n enorme impak op my lewe
