‘FLUISTERAAR’ WAT KLAWERS LAAT LÉÉF
WERNER STOLZE (42), KLAVIERSTEMMER EN-HERBOUER VAN PRETORIA
IT gebeursoms dat iemand ons kantoor bel, en wanneer ons die telefoon antwoord met “WS Pianos, goeiedag?”, sal die inbeller sê: “Jammer, verkeerde nommer. Ek is eintlik op soek na die piano whisperer!”
Dít kom nadat ’n publikasie hier in Pretoria die bynaam ses jaar gelede vir my in ’n artikelopskrif gegee het. Nou gebruik al hoe meer mense dit.
Ek is trots om te sê dat ek vandag die vierdegeslagklavierstemmer en-restoureerder in ’n familiegeskiedenis is wat terugstrek na 1919, toe my oupagrootjie Willy Hutzelmann die familiefabriek in Eisenberg, Oos-Duitsland, gestig het. My oupa Kurt Stolze het daar
