Op die agterblad skryf Nataniël: “Vir dié van ons wat in die nuwe wêreld ’n veilige, verantwoordelike, heilsame en kreatiewe bestaan wil voer, is HUISKOS die enigste kos. Herman is ’n uitstekende kosskrywer en bring ’n ganse kultuur se herkoms, tuiskoms en toekoms na die tafel.” Daar is werklik geen keer aan hom nie.
1 Wat het jou geïnspireer om HUISKOS te skryf?
Dit is ’n opvolg van Dit proe soos huis, waarmee ek ’n aar raakgeboor het wat ek nie geweet het bestaan nie. Toe ek dit geskryf het, was ek emosioneel, ek wou afskeid neem van my ma. Hierna het mense my gevra vir nog resepte vir eenvoudige en eerlike kos. Ek het besluit ek wil nie weer ’n hartseer boek skryf nie, maar een oor wat my ná my ma se dood gelukkig maak. En dit is die lesers, my vriende en reis. Almal het ’n storie en verbind jy dit met kos, het jy die magic aar. My ma is steeds deel van my nuwe boek, maar dis uit hierdie stories wat ek my inspirasie gekry het.
2 Wat maak hierdie boek anders as jou topverkoper, Dit proe soos huis?
Dis same, same, but different, soos hulle in Thailand sê. Dis dié keer ander mense se stories ook. Ek is al 34 jaar op hierdie aarde en ek het al ongelooflike mense ontmoet en ongelooflike ervarings saam met gewone mense beleef. Hulle is die fakkeldraers van huiskos.
’n Vriend het my eendag by ’n ete gevra wat ek as huiskos definieer. Toe sê ek vir hom huiskos is eerlike kos. Dis kos wat jy kan
