APTYT VIR KONFYT!
Om jou werk op te gee vir jou droom vat guts en deursettings-vermoë. Dis nie sommer enigiemand wat dít kan regkry nie.
In 2018 het Christynn (35) en Nigel Jacobs (39) hul suksesvolle loopbane opsy geskuif om dit wat hulle geleer het, te gebruik om hul eie besigheid, Jacobs Jam Company, te stig. En vandag begin hulle stadig, maar seker die vrugte van hul harde werk pluk.
Nigel vertel die konfytmark in Suid-Afrika is ongeveer R1,6 biljoen per jaar werd.
“Suid-Afrikaners hou van jam!”lag hy.
Nigel was ’n bemarkingspesialis en Christynn ’n voedseltegnikus – albei by groot internasionale maatskappye op Ceres in die Wes-Kaap.
Nigel beskryf vroulief as die “hart van die besigheid” omdat sy die besigheid se spesiale en unieke resepte van scratch af in hul huis se kombuis ontwikkel
