Die angs is nie nie
Jou keel trek toe. Jou hart is op galop, jou palms sweet. Tel net tot vyf, sê jy vir jouself. Maar jou kop neem sy eie loop. Hoekom nou weer? ’n Vierletterwoord: Angs.
“Onthou net, dis nie iets wat jy in jouself moet fix nie,” sê die bekroonde aktrise Lea Vivier. “Jy moet daarmee saamleef. En dis oukei … dis moontlik. Party dae is dit erg en ander kere weer meer beheerbaar.”
Lea weet waarvan sy praat – sy sukkel ook met angs. “En ek’s nie skaam om dit te erken nie.”
Sy bly ’n oomblik stil waar ons in ’n koffie-winkel sit. Praat dan verder: “Ek streef nie om angs uit my lewe te elimineer nie, want dis nie ’n flaw nie. Baie mense sukkel met angs. Ons praat net te min daaroor.”
Nagenoeg 275 miljoen mense wêreldwyd ly aan ’n angssteurnis – dis 4% van die wêreld se bevolking, het die Wêreld Ekonomiese Forum (WEF) in 2019 bevind. Toe kom ’n pandemie en ons
