DIE OEMF IN OUDWORD
PARTY mense van haar ouderdom sal ure aaneen voor die kassie sit en getrou na hul sepies kyk, kombersies vir die kleingoed brei of ietsie hekel. Later sal hulle dalk oor ’n koppie tee by ’n vriend gesels oor al die skete wat gister nie daar was nie maar wat nou skielik krap.
En daar’s natuurlik niks fout daarmee nie – dis mos waarvoor die goue jare bedoel is. Maar nie vir Lynne Crawford van Gqeberha nie.
Want op 71 wil sy dit allermins rustiger vat, en haar lyf is nog net so sterk soos altyd, dankie. Om die waarheid te sê, sy voel nie net so goed soos in haar jonger dae nie – selfs haar
