LIGTER & GELUKKIGER
Vir Desiree Pienaar (36) van Ravensmead op die Kaapse Vlakte was haar gewig altyd haar swaarste las om te dra.
Sedert Desiree haar verstand gekry het, was sy groter as die ander kinders. Soos haar ma dit beskryf:“Sy was skoons blink van vetheid!”Desiree was die grootste in haar eie huisgesin en het maar altyd gevoel soos ’n buitestander. Om nie eens te praat van die kinders wat haar konstant geboelie het en name soos“vetgat”genoem het nie. En hoewel Desiree geweet het dat sy moet ophou eet, kon sy eenvoudig nie. Hoe meer sy soos ’n uitgeworpene gevoel het, hoe meer het sy haar troos in kos gevind.
In 2016 is haar lewe egter tot stilstand
