MENSE SE LENSE
PIERRE JORDAAN
Can-n EOS 7D Can-n EF 200-400 mm-lens met ’n 1.4x--msetter
PIERRE SKRYF: Ek het in Maart vanjaar afgetree en ek en my vrou, Christa, het besluit om ’n Nayela Okapi-boswoonwa te koop waarmee ons deur die land kan reis. Ons eerste bestemming was die Krugerwildtuin. Dit was baie lekker om Weg se Kruger-gids te lees terwyl ons daar was!
Ons het vier nagte by Berg-en-Dal, vier nagte by Pretoriuskop, sewe nagte by Onder-Sabie, vier nagte by Satara, twee nagte by Olifantskop en vier nagte by Skukuza gebly.
Op dié dag het Christa bestuur. Ons het besluit om van Pretoriuskop na Afsaal se piekniekplek te ry. Net voor Afsaal het ek aasvoëls in die lug gewaar, en ons besluit toe om verby die piekniekplek in die rigting van Malelane te ry.
Net verby Afsaal het ons egter ’n trop rooibokke gekry wat oor die pad stap – die volgende oomblik vang ’n luiperd een rég voor ons!
TOAST SÊ: Wat?! En jy vertel die storie op só ’n rustige manier – eers aftrede, toe boswoonwa koop, toe die hele reisplan en tóé eers die luiperd!
Pierre, hierdie is ’n fantastiese foto
