1 Vertel ons wie is Annelien?
’n Reisiger deur die lewe om ’n ongelooflike reis te kan beleef van volkome vervuld voel. Op hierdie reis kan ek nie sonder die herinneringe van my kinderjare, my gesin en familie nie. Ek is ’n familiemens, lief vir mense en om resepte te ontwikkel juis om almal om my tafel te laat kuier. Ek hou van onthaal, mooi linne, breekware, blomme en versierwerk. Hier op die plaas het ek groot groentetuine en ons leef vars vanuit die grond tot op die tafel. Wat ons eet, het ons self gegroei, tot ons vleis. Ons glo in volhoubare gebruik van die grond en ons organiese bestuur van die plaas het tot gevolg dat ons wonderlike pekanneute vir die binnelandse maar ook uitvoermark lewer. So wie is ek? ’n Trotse ma van drie Filistyne, ’n eggenote, voedseldosent, boer, skrywer en entrepreneur.
2 Wat maak Vleis uniek?
Ek het nie die boek geskryf met die idee om anders te wees nie. Ek het met my lesers geklankbord en dadelik besef dis tyd dat daardie manuskrip wat al tien jaar lê en broei nou afgestof moet word. Ek dink omdat daar nie meer ’n vleisraad soos van melewe se dae is nie, is dit moeilik om een standaard te kry vir snitte, gaarmaakmetodes en logiese verduidelikings van faktore wat die sagtheid van vleis bepaal. Die boek
