DítKykOnsNou
Naam: Genevieve Terblanche.
Pos: Senior skrywer, wat eis om mense se troeteldiere tydens Zoom-vergaderings te sien.
Ek kyk nou: Seisoen 1 van die fantasiereeks The Watch (2020) op DStv Catch Up.
My mening oor die reeks: Dié aksie-fantasiereeks is gegrond op sommige van sir Terry Pratchett se Discworld-romans wat oor die Ankh-Morpork City Watch handel, onder leiding van die gryskop polisieman, deeltydse politieke filosoof en heeltydse alkoholis kapt. Sam Vimes (Richard Dormer, Sheriff Dan Anderssen in die dramareeks Fortitude, 2015-2018). Dit is deels in SA verfilm en om die choas van die stad ryk aan teksture te sien, is ’n belewenis! Belangrike karakterisering in die Discworld-boeke is uitgebeeld op maniere wat soms opwindend (soos in die geval van Cheery Littlebottom, gespeel deur die nuweling Jo Eaton-Kent), en soms teleurstellend is (soos met die nuweling Adam Hugill se vervelige konst. Carrot). Maar indien jy jou verwagtinge kan laat vaar, is dit boeiend.
Los hande
