NIKS KRY(T) MY ONDER NIE
DEUR die jare moes hy al vele harde houe op die ken vat. Ja, hy weet hoe dit voel om op die krytvloer te beland – maar ook wat dit verg om weer op te staan en terug te veg. Want hy hét, sê hy.
Hy het teruggeveg ná die besering wat ’n einde aan sy roemryke rugbyloopbaan gemaak het; sy seer egskeiding; sy stryd teen verslawing en depressie.
En die Derick Hougaard wat jy vandag voor jou sien – die een met sy kortgeknipte donker hare, welige baard en leniger lyf in oefendrag – herinner weer byna aan die Springbokheld van ouds. Maar dis veral die vonkel in
