’N SEGE VIR DIE NATUUR
OP ’N VREEMDE MANIER HET ONS LEWENS SPIEËLBEELDE VAN MEKAAR GEWORD EN MY VERHOUDING MET MENSE HET VERANDER’
DIE meeste vroue sal seker jaloers raak as hul man elke dag by die huis aankom en oor niks anders as sy nuwe vriendin wil praat nie.
Maar Swati Thiyagarajan (49) het geduldig geluister hoe haar man, die rolprentmaker Craig Foster (53), elke aand ná ’n dag se swem in die Kaapse see aanhou gesels oor sy kuiery saam met Rosetta.
Dit het natuurlik gehelp dat dié vriendin ’n seekat was. En dit het ook gehelp dat Craig deur die jare ’n herstelreis deurgemaak het wat hom van professionele en persoonlike uitbranding genees het.
En dit help seker selfs meer dat, pas een van die rolprentwêreld se hoogste eerbewyse ontvang het: ’n Oscar vir die beste dokumentêre rolprent.
