WAT SÊ DIE MENSE?
MANDLA AAN DIE WOORD
Mandla Ngomane het oorgeneem as opsigter van die Pafuri-piekniekterrein nadat die vorige opsigter en voëlkenner Frank Mabasa skielik in 2017 oorlede is. Mandla het lank vir Frank ingestaan.
“Toe ek hier begin het, het ek net belang gestel in diere, maar Frank het gesê die mense gaan wil weet van die voëls.
“Een oggend het Frank gaan brood koop en ek was alleen by die piekniekplek toe kom vra iemand iets oor ’n voël. Ek antwoord toe: ‘Frank sal nou-nou hier wees’. Toe sê die oom, ‘ek soek nie vir Frank nie, ek soek dié voël.’ Toe het ek besef ek sal
