JUL IDEES
SKRYF VIR ONS & WEN!
Welma Esterhuyse, die skrywer van hierdie uitgawe se wenbrief, ontvang velsorgprodukte ter waarde van R1 400 van Lamelle. Die geskenkpak bestaan uit Lamelle Serra Cleansing Gel, Lamelle Serra Restore Cream en Lamelle Correctives HA+ Serum. Lamelle-produkte word ontwikkel deur ’n proses van intensiewe navorsing en hersiening, nougesette produksie en voortdurende verbetering. Besoek lamelle.co.za vir meer inligting.
WENBRIEF
MY 14-DAE-OORLEWINGSJOERNAAL
Twee weke ná my tydperk van isolasie sien ek Idees-Fabriek se nuwe tydskrif, Joernaal. Watter verfrissende briesie en net ’n bevestiging van waarmee ek besig was en steeds is …
Die laaste dag van 2020 het ek gaan stilstaan toe ek positief vir Covid-19 getoets is. Idees, julle het my laat joernaal hou, ’n hele 14 dae lange oorlewingsjoernaal. Julle was my metgesel, my gehad. Selfs met die kortisoon wat my snags wakker gehou het, my hartklop ’n wilde galoppende perd, het ek woorde gedroom, en bedags het dit oorgevloei in ink. Dankie, God, ek haal asem!
