Soek my
DIE wekker lui skril en aanhoudend in Pieter se ore. Hy kreun en tas in die halfskemer rond vir die goedkoop swart radio op die bedkassie. Dit val met ’n gekletter op die vloer, maar hou aan met raas.
Hoe het dit sy oggendritueel geword? wonder hy, en skakel die bedliggie aan.
Wat het geword van die dae toe Susan saam met hom wakker geword het? Of nog beter, daardie eerste paar maande toe hulle koffie en beskuit in die bed geëet het? Dit voel soos ’n ander lewe.
Iets wat baie langer gelede gebeur het as die drie jaar dat hulle getroud is. Hy draai om en kyk na die leë spasie langs hom. Susan het vroeg reeds opgestaan, stil-stil in die badkamer aangetrek en werk toe gegaan.
Later die dag in Pieter se oopplankantoor sit sy kollega Johan ’n warm, olierige pakkie langs sy rekenaarsleutelbord neer. “Môre
