SORINA DIE MOEDERHEN
DIE twee woelwaters sit nie ’n oomblik stil nie. As hulle nie die Holstein- frieskoeie se kalfies vertroetel nie, swaai hulle mekaar op die speelterrein. Miana (4) en Braam (6) voel tuis hier op die Irene-suiwelplaas in Centurion waar ons hulle en hul ouers vir ’n fotosessie in die buitelug ontmoet.
“Hulle is jou tipiese rabbedoe en rakkertjie,” vertel die aktrise en sangeres Sorina terwyl sy liefdevol toekyk hoe haar kinders speel. “Ons kom gereeld hiernatoe, juis vir die plaas-vibe. My kinders is kaalvoetkinders… ek is ’n kaalvoet- ma,” voeg sy by.
En die vrou wat vandag oor haar gesin gesels, is ’n se wilde Flooze. Die karakter se bekende rooi leerbaadjie is vir ’n vloeiende dowwe pienk somerrok en sandale verruil. Die pet wat gewoonlik skeef oor dié karakter se kop getrek is, het vir ’n breërandhoed plek gemaak.
