JUFFROU GETROU

Sy lééf vir die onderwys en met 24 jaar se ervaring is dit geen verrassing dat sy een van die staatmakers agter die Kuier Winterskoolprojek (hierdie jaar bekend as die Kuier Rapport Matriekklas) geword het nie.

So toe Kuier besluit het om iemand te bederf met ’n mooimaak- en fotosessie vir ons Kersuitgawe, het Rhuwayda Mitchell (48) van Brackenfell in die Kaap – ’n onderwyser by Hoërskool Bernadino Heights in Kraaifontein – kop bo water uitgestaan. Want dié vrou doen net haar ding en verwag nooit iets terug nie, sy wil net haar werk doen en ’n verskil maak.

Sedert Rhuwayda in 2013 graad 12 onderrig, slaag 100% leerders Afrikaans huis- en addisionele taal en daar was ook ’n hele paar A’s in hierdie vakke.

“Ons Afrikaans-vakspan het vir die laaste