Net waar sy wil wees
Vanjaar is dit 28 jaar sedert sy die kroon as die land se mooiste ontvang het. Die land was in ’n vreemde fase: Nelson Mandela was vry, maar een van die land se bloedigste slagtings het in Boipatong plaasgevind. Amy was Suid-Afrika se eerste bruin Mej SA en het vierde by die Mej Wêreld geëindig.
Sy was ’n gekwalifiseerde onderwyseres van Kaapstad, wat ook Afrika se politieke geskiedenis op universiteit bestudeer het, toe sy op 12 Desember op die Mej Wêreldpodium by Sun City geweier het om die ou landsvlag te dra en eerder die wit vlag met dié kompetisie se logo op, te vertoon.
Sy het al verskeie kere vertel hoe sy beledigende oproepe in haar hotelkamer ontvang het, maar alles het verander toe een van dié oproepe ’n baie bemoedigende Nelson Mandela was. Hy het haar geloof vir haar dapperheid en haar bereidwilligheid om aan die wêreld te wys hoe die jeug dink en
