As dié hond byt, los hy nie sommer
Honde is deurslaggewend vir doeltreffende beveiliging – en ’n nuwe kombinasie van Malinois- en Hollandse herdershonde is vreesloos as hulle reg geteel en opgelei is, maar terselfdertyd deel van die huisgesin.
Bedags bly hulle aan ’n eienaar se sy en snags slaap hulle in die huis, om die eienaar by die geringste teken van ’n indringer te waarsku en op bevel tot aksie oor te gaan.
Hulle is egter baie meer as net beskermingshonde en kan vir verskeie ander take op ’n plaas opgelei word. Hulle is veral bekend om hul goeie reuksintuig en op die internet kan ’n mens video’s vind wat wys hoe ongelooflik rats en veerkragtig hulle is, in so mate dat hulle selfs mure kan uitklim.
Dr. Johan Klopper, ’n tandarts wat op ’n hoewe buite Pretoria woon, teel dié honde as stokperdjie en werk nóú saam met mnr. Todd Lutman en me. Anneline
