BINNE ’N SEKSKULTUS
DIE geskree het 20 tot 30 minute lank aangehou – wanhopige gille van naakte vroue wat soos diere gebrandmerk is terwyl hulle vasgehou is.
Agterna is die voorletters KR in die vlees van hul bekken ingeskroei as ’n permanente herinnering dat hulle deel is van ’n “elite-susterskap” en toegewy is aan die man in beheer.
KR staan vir Keith Raniere, stigter van die sogenaamde bemarkings- en bemagtigingsmaatskappy NXIVM (uitgespreek nex-ee-um), waaraan duisende mense – onder andere akteurs, atlete en sakelui – hulle onderwerp het.
Om gebrandmerk te word was die hoogste eer, het die elite-groep vroue gehoor, ’n bewys dat hulle onder die handjievol uitverkorenes is. Maar die werklikheid was dat hulle in ’n sekskultus tot slaaf gemaak is en
