IN EPSTEIN SE KLOUE
WAAR sy op ’n rotsrif van die eiland staan en staar het na die golwe wat onder breek, het sy gedink: “Ek sal my kans met die haaie vat.”
Enigiets was beter as die mishandeling wat sy dag en nag op die eiland Little Saint James moes verduur, het sy geglo.
Sarah Ransome was ’n sterk swemmer en vasbeslote om weg te kom van dié Karibiese eiland, die eiendom van die miljardêr en seksoortreder Jeffrey Epstein. “ ’n Haai sou in daardie stadium my beste vriend gewees het. Ek het nie eens daaroor gedink nie – ek het net gevoel: Kry my hier weg,” onthou Sarah.
Maar haar droom om te ontsnap was vergeefs, want die magnaat het videokameras dwarsoor die eiland laat installeer en ’n soekgeselskap
