EET VARS KOS AS MEDISYNE TEEN COVID-19
Die mensdom moenie hoop dat kudde-immuniteit teen Covid-19 binnekort uitkoms gaan bring nie, waarsku dr. Mike Ryan van die Wêreldgesondheidsorganisasie (WGO) in ’n onlangse verslag. “Ons is nog ver daarvandaan,” sê Ryan.
Net 10% van die wêreldbevolking het tans teenliggame teen die virus en niemand weet hoe lank dit beskerming vir ’n individu gaan bied nie. Entstof gaan ook nie noodwendig vir almal werk nie, waarsku Ryan se kollega, dr. Bruce Aylward.
Daarom dink al hoe meer mense aan kos as deel van hul mediese arsenaal om hul immuunstelsel te versterk en beskerming te bied teen Covid-19 en ander siektes. “Mense wil eet om siekte van binne uit
