VAT KORTPAD
Bolognesepizza
(bl. 102) Ek gebruik gekoopte winkeldeeg en bolognesesous om die pizza gou-gou aanmekaar te slaan. genoeg vir 4
1 kg-sak winkeldeeg
meel vir uitrol
600 g gekoopte bolognesesous
250 g-houer roomkaas
Verhit oond tot 220 °C. Verdeel deeg in vier dele en rol in sirkels van sowat 5 mm dik op meelbestrooide werkvlak uit. Plaas vier oondvaste bakkies onderstebo op ’n bakplaat. Spuit bakkies en bakplaat goed met kleefwerende kossproei. Plaas deegsirkels bo-oor bakkies sodat die deeg wat oorhang, eweredig op die bakplaat rus. Bak vir 15-20 minute of tot goudbruin. Laat afkoel en haal broodbakkies versigtig af. Verhit bolognesesous in middelslagpot. Plaas broodbakkies op dienbord en skep roomkaas in elkeen. Verdeel warm sous tussen bakkies en sit voor.
DIE KORTPAD
1 AILIGHBLBLINL
Vir Italiaanse lekkerte wat jou lewe makliker maak, gaan kyk by die pastarak van jou supermark vir Ina Paarman se sakkies klaargemaakte bolognesesous. Dis so geurig, niemand sal weet jy het kortpad gevat nie. Sowat R50 vir ’n 600 g-sak
Viskoekiegebak met groenslaai
(bl. 102) My ma het soms vir ons so ’n visgebak met kapokaartappel en witsous gemaak, maar vir somer sit
