30 MINUTE 7 BESTANDDELE
VARKWORSIEKERRIE
Hierdie staatmaker is gereeld op my middel-van-die-week-spyskaart.
genoeg vir 4
Verhit 45 ml olyfolie tot warm in groot pot. Braai 1 fyn gekapte ui, 2 gekapte knoffelhuisies, 2 cm-stuk fyngerasperde gemmer en 45 ml matige kerriepoeier sowat 1 minuut saam. Voeg 1 x 410 g-blik klapperroom en 1 x 410 g-blik gekapte tamaties by. Meng deur en bring tot kookpunt. Laat prut 10 minute of tot geurige sous vorm. Voeg 30 klein varkworsies (chipolatas) by en laat kook nog 10 minute of tot worsies gaar is. Geur met sout en peper. Sit voor met jogurt en vars koljander.
*Sout, swartpeper en olyfolie is nie deel van die 7 bestanddele nie
