‘Moeder van die koeie’ wil landbou vir almal laat goed lyk
Baie mense meen omdat hulle nie 100 ha grond het nie, kan hulle nie boer nie.
“Ek het nog altyd geglo: Begin net! Maak nie saak hoe min jy het nie, doen net iets,” sê Angie Khumalo, aanbieder van die splinternuwe televisieprogram African Farming. Sy’t van die pad af getrek om oor haar selfoon met my te praat. Dis een van dáái dae — die een vergadering ná die ander, stemopnames wat wag, en ’n rits ander afsprake.
“Ek kan nie wag om terug te kom tussen my beeste nie. Dis waar ek kan asemhaal en op my gelukkigste is,” vertel dié glansryke Metro FM-radio-aanbieder, wat ook duisende aanhangers op sosiale media het.
Self het sy met amper niks
