LYK MOOI te eet

SUPERKOSSE het uit die kombuis ontsnap om in vele skoonheidsprodukte ’n hoofrol te vertolk – van bloubessie en krulkool tot klapperolie en heuning. Dié natuurlike bestanddele vol teenverouderende antioksidante, velvriendelike vitamiene en strelende minerale word deur vervaardigers van skoonheidsprodukte ingespan om hul produkte woema te gee.

Maar jy hoef nie ’n fortuin uit te gee om die vrugte te pluk nie. Dit is vinnig en maklik om jou eie superkos-skoonheidsprodukte te maak. “Die natuur gee ons ’n oorvloed vrugte, saad, plante en minerale wat ongelooflike voordele vir die vel inhou,”