SPEEL SOOS IN DIE OU DAE
1 KONING, KONING, MAG EK OP REIS GAAN?
’n Koning word gekies. Hy staan ’n hele ent af van die ander spelers, wat in ’n lang ry staan en na hom kyk.
Die kinders vra op die ry af vir die koning: “Koning, koning, mag ek op reis gaan?”
Die koning antwoord ja of nee na gelang van hoe hy voel. As hy ja sê, kry sy onderdaan ook sy reisvoorwaardes: “Jy mag op reis gaan met twee paddaspronge/drie spoege ver/’n skêrsprong/twee wawiele ...”
Wie eerste by die koning uitkom en aan hom raak, is die volgende koning.
2 VROTEIER
Almal sit kruisbeen in ’n kring en kyk na binne. Die een wat aan
