Lensielekkerte
DIE veelsydigheid van lensies verbaas my ál meer, veral noudat dit ’n groter deel van my eetpatroon geword het. Selfs my man, wat van sy vleisie hou, geniet dié geregte. Lensies is beslis my gunstelingpeulgroente. Dis maklik om gaar te maak, jy hoef dit nie te week nie en dit gaan ook nie gepaard met die opgeblasenheid of ongemak wat bone soms kan veroorsaak nie.
Dit is boonop supervoedsaam – lensies het die derde hoogste proteïeninhoud van al die peulgroentes, en die hoë veselinhoud help met die verlaging van cholesterol, voorkoming van hartvatsiektes en die stabilisering van bloedsuikervlakke. Dit help ook met goeie spysvertering, en danksy ’n lae kilojoulewaarde en geen vet nie is dit die ideale dieetkos.
LENSIEGROENTETERT
’n Tortilla staan in as tertkors vir dié gereg.
GENOEG VIR 4 MENSE
BEREIDING: 20 MIN.
GAARMAAK: 40-50 MIN.
60 ml (¼ k) olyfolie3 knoffelhuisies, fyngedruk15 ml (1 e) fyngerasperde gemmer10 ml (2 t) fyn kaneel10 ml (2 t) fyn komyn5 ml (1 t) fyn koljander5 ml (1 t) fyn vinkel500 ml (2 k) botterskorsieen patatblokkies1 ui, in wiggies gesny1 rooi soetrissie, ontkern en in blokkies gesny (opsioneel)4 x 250 ml (4 k) swart-of bruinlensies, saggekook2 suurlemoene se sap en skil20 g elk gekapte ment, pietersielie en koljanderblare125 ml (½ k) gerasperde cheddarkaas of geroomde maaskaas1 groot tortilla3 eiers, geklits
