DIE MOEDER VAN ALLE KOMBI’S
DIT lyk omtrent soos ’n mobiele sameflansing wat uit die Mad Max flieks kon kom. Maar in die vroeë 1970’s het die mense geen idee gehad van hoe die meganiese monsters later in dié fliekreeks tussen 1979 en 2015 op die silwerdoek uitgebeeld sou word nie.
Hulle kon toe maar net hul kop in ongeloof skud wanneer hulle Annas Faul sr. se tuisgeboude moeder van alle Kombi’s op die pad gewaar.
Op Prieska in die Noord-Kaap het dit toentertyd ook gegons oor sy woonwa wat hy besig was om in sy agterplaas te bou. Annas, destyds ’n motorverkoopsman by die Ford-handelaar, was immers ’n
