MA ROSE SE GEHEIM
“Hoekom wou jy nooit my ma wees nie? Hoekom het ma Nettie my grootgemaak as jy eintlik my ma is?”
Ciara sit op haar bed en staar uit by haar kamervenster terwyl ’n hartseer trek om haar mond speel. Vandag is haar 21ste verjaarsdag. En al is sy baie opgewonde oor die vooruitsigte van die vieringe is daar tog iets wat haar hartseer maak. Saggies vou sy haar een arm om haar. So asof sy haarself teen die pyn wil beskerm en die seer uithou.
Onbewustelik skud sy haar kop asof sy die gedagtes wil afskud, maar sy staar steeds.
’n Kloppie aan die deur ruk haar uiteindelik uit daai trans.
“Kom in,” antwoord sy terwyl sy
