Stort-sterftes: Nog gru-stories
Toe “ sien hy ons kinders se lyke. Toe skop hy die deur af.
Nog drie paartjies sê hulle het die afgelope jaar amper versmoor in die huis waarin twee verloofdes van die Oos-Kaap verlede Saterdagaand gesterf het.
Jéan Vosloo (25) en Mari Hoon
(28) is vermoedelik weens gas- of koolstofmonoksiedvergiftiging dood by die Kliphuis, ’n gasteplaas in die Kareedouw-distrik in die Oos-Kaap.
Vosloo se pa, dr. Lawton Vosloo
(62), ’n algemene praktisyn van Jeffreysbaai, sê die paartjie het vir die naweek gaan kuier by ’n vriend, Stefan du Plessis, wat die laaste tyd die Kliphuis permanent gehuur het. Ná weke in isolasie het hulle na mekaar verlang en hulle het gereken die huis is só afgeleë daar sou geen Covid-risiko wees nie.
