KAPTEINS VAN DIE KRISIS
HULLE het die voortou geneem om die wêreld in te lig oor een van die grootste pandemies wat die mensdom in die onlangse geskiedenis getref het; tog het min van ons waarskynlik twee keer gewonder oor die binnewerking van die Wêreldgesondheidsorganisasie (WGO).
Maar toe kom die Amerikaanse president, Donald Trump, se aankondiging dat Amerika sy geldelike bydrae tot dié organisasie opskort, en skielik raak mense bekommerd oor die uitwerking van hierdie besluit op die mediese waghond wat die wêreld gesond probeer hou.
Amerika het die hoogste getal sterftes wat met die coronavirussiekte COVID-19 verband hou – teen druktyd was dit sowat 50 000 – en Trump is wyd gekritiseer oor sy hantering van die krisis, maar hy wys vinger na die internasionale gesondheidsliggaam.
Hy het die WGO-personeel beskuldig
