MOOI – AL IS EK ANDERS

SY WAS nog bitter klein toe sy besef sy lyk anders as ander kinders. Maar dit pla haar nie – nie toe nie; ook nie nou nie.

“Wanneer ek na myself in die spieël kyk, lyk ek mooi,” vertel die 12-jarige Stephanie Deysel in haar sagte stem.

Uiterlik toon die skaam tiener van die Vrystaatse dorpie Viljoenskroon die kenmerke van die seldsame genetiese toestand frontonasale displasie. Haar neus is misvorm, haar oë wyd uit mekaar, en sy het ses toontjies aan haar regtervoet.

Maar wat saak maak, het haar ma, Annette, nog altyd by haar ingeprent, is die mens wat sy aan die binnekant is – ’n mooi, geliefde meisie met ’n