WONDERS GEBEUR NOG
Dis altyd ’n uitdaging om tussen ’n klomp seunskinders groot te word, maar vir Gretchen Titus (27) van Cardouw buite Porterville in die Wes-Kaap, was dít dalk net wat sy nodig gehad het om haar sterk genoeg te maak vir die aanslae van die lewe.
Van kleins af was Gretchen se bestaan besaai met uitdagings en opdraande. Dit het destyds begin toe haar ma, Lena Titus (45), besef sy kan nie na haar klein dogtertjie omsien nie. Geteister deur ’n diep depressie wat haar elke nou en dan tot op die rand van selfmoord gebring het, het Lena besluit haar dogter is beter af in die hande van haar niggie, Mila Damons (56), en haar seuns op die plaas Porseleinkloof.
Die sorgvrye plaaslewe was egter net van
