Trump is dalk wat die VSA nodig het
Donald Trump word vandag deur politieke kommentators as die ongewildste Amerikaanse president van die afgelope vyf dekades beskou.
So ongewild en verdelend dat hy onlangs slegs die derde Amerikaanse president geword het wat deur die huis van verteenwoordigers in ’n staat van beskuldiging geplaas is. Sy verhoor in die Amerikaanse senaat woed tans voort.
Die lys van sy wilde uitsprake, kwaai Twitter-tirades en ontwrigtende dreigemente teenoor ander wêreldmoondhede wat konsensuspunte en handelspatrone ontwrig, is alles welbekend.
Maar is daar ’n teenargument teen die akademiese, media- en populêre kultuurbewegings se totale verdoemenis van Trump? Is daar ’n argument aan te voer vir die noodsaaklike teenwoordigheid van ’n ontwrigter in die Withuis?
Is dit moontlik dat Trump op 3 November 2020 tot ’n tweede termyn verkies kan word?
Die bekende Amerikaanse humoris Finley Peter Dunne het in 1898, kort voor die Spaans-Amerikaanse oorlog, in een van sy sketse oor ’n fiktiewe Iers-Amerikaanse kroegman in Chicago, Amerikaners se bewustheid van hul eie grootsheid mooi raakgevat. In reaksie op ’n vriend se opmerking dat Amerikaners ’n wonderlike nasie is, reageer die kroegman soos volg: “Ons is, ja. En die beste daarvan is dat ons dit self besef.”
Sy grootste
