Vry,vryer, Vrystaat!
“Kosmos en kakiebos” soos Gerrit du Plooy dit sê, laat dit klink of hy praat van ’n guitige radiovervolgverhaal of ’n soort boerse hygroman. Maar vanoggend hier in die ou melkskuur op Oppermanshoogte, sy skoonma se mielieplaas tussen Oranjeville en Deneysville digby die Vaaldam, hef hy eintlik ’n loflied aan oor twee van die meer onkonvensionele botaniese bestanddele in die “eg Vrystaatse” jenewer wat hy en sy twee jonger broers onder hulle De Vry-handelsmerk stook en verkoop.
Al het dié onkruidsoorte, oorspronklik van die Amerikas,
