Held van die Hoëveld

In 1859 besluit Dirk Cornelius Uys, ’n veteraan in die Slag van Bloedrivier, ’n mooi grasvlakte in ’n kom tussen ’n paar heuwels is ’n goeie plek om ’n dorp – op vyf na die oudste in die Ou Transvaal – te stig. “Swart Dirk,” soos hy ook bekend gestaan het (oor sy donker gelaat), het in daai tyd nie ’n maatband gehad om behoorlike dorpsbeplanning te doen nie. Ná ’n kolskoot uit sy Sanna meet Swart Dirk – met ’n riem gemaak uit ’n eland se vel – dus die eerste strate en erwe van Wakkerstroom uit.

Uys was later jare in ’n konsentrasiekamp in die Tweede Anglo-Boereoorlog. Met sy vrylating het hy die Krugerrande wat hy versteek