My alleenkind
Al gevoel asof jy ’n randfiguur is wat nêrens inpas nie? Kinders kan ook hierdie gevoel ervaar en verstaan dikwels nie hoekom hulle nie deel van ’n groep kan wees nie. Hoe help mens jou kind?
Tini Visser, ’n voorligtingsielkundige, sê kinders word as anders gesien wanneer hulle nie by die hoofstroomgroep inpas nie.
“Dit verwys veral na die kind se vermoë om volgens die norm te sosialiseer. Kinders wat anders is, vind dit moeilik om te sosialiseer. Hulle mag dalk ander belangstellings as die res hê.”
Liezl Thom, ’n lewensafrigter, sê party kinders het meer stimulasie nodig, ander raak weer vinnig oorgestimuleer.
“Sommige kinders is ekstroverte, ander is introverte. Elke kind is uniek en het die reg om hom- of haarself volgens sy of haar behoeftes uit te druk.
