MY EERSTE KERSFEES …
Is daar vir jou een feestyd wat uitstaan? Dalk die eerste Kersfees nadat jy getroud is of die eerste Kersfees wat jy oorsee was? Ons het met ’n paar mense gesels oor ’n tyd wat hulle onthou.
… AS NUWE OUERS
Heinrich (54) en Mercia Eksteen (44)
Kersfees is vir Team Eksteen (soos ons na onsself verwys) altyd familietyd. ’n Groot lekkerte is die opslaan van die Kersboom, die toedraai van die geskenke en dan natuurlik om die afwagting op my sussie se kinders se gesigte te sien. Oukersaand, ná ete, sit die familie in die sitkamer, die kinders deel die geskenke uit en so tussen die saamwees word daar met groot dankbaarheid aan die jaar, geleenthede, genade en die waarde van vriende en familie gedink.
Kersdag gaan die familie saam kerk toe. Ek en Heinrich is in 2010 getroud en vir sewe Kersfeeste was die Team net twee lede. Alles het in 2018 verander, want op 10 Mei 2018 is ons met die grootste geskenk nog geseën toe ons dogtertjie, Maria Ané, gebore is. Wanneer ons aan 2018 as ons eerste
You’re reading a preview, subscribe to read more.
Start your free 30 days