SO, JY WIL ’N KINDERBOEK SKRYF?

Voornemende skrywers verkeer dikwels onder die indruk dat dit maklik is om kinderboeke te skryf. Daar is egter baie besliste moets en moenies wat die skrywer van kinderboeke in gedagte moet hou. Uitgewers en gevestigde kinderboekskrywers stem saam dat die skryf van kinderboeke beslis nie kinderspeletjies is nie. Met soveel wonderlike kinderboeke op die rakke om van te kies is die kinderboekmark uiters mededingend en net die heel beste manuskripte word vir publikasie aanvaar.

Hoe nou gemaak wanneer dit jou droom is om ’n kinderboek te skryf? Die geheim is om ’n manuskrip voor te lê wat ’n uitgewer laat regop sit. Jou storie moet vars, nuut en oorspronklik wees, aldus , die hoof van kinderboekverkope by Penguin Random House SA. “Wat maak jou storie anders en